ప|| సత్యభామ సరసపు నగవు | నిత్యము హరి మదినే నెలవు ||
చ|| రుకుమిణి దేవికి రూపయవ్వనికి | సకల విభవముల సౌఖ్యతలు |
చికురాంబరమున జెదరిన యలకలు | వికచాబ్జ ముఖము వెయి వేలాయె ||
చ|| తొడవుల శ్రీసతి తొలిమెరుగులమై | నడపులమురిపెపు నగుమోము |
తడయక వారిధి దచ్చిన హరికిని | బడలికవాపను పరమంబాయ ||
చ|| అనుదినమునును నీ యలుమేలుమంగ | కనుగవ జంకెన గర్వములు |
దినదినంబులును తిరువేంకటపతి | చనువుల సొబగుల సంపదలాయ ||
pa|| satyaBAma sarasapu nagavu | nityamu hari madinE nelavu ||
ca|| rukumiNi dEviki rUpayavvaniki | sakala viBavamula sauKyatalu |
cikurAMbaramuna jedarina yalakalu | vikacAbja muKamu veyi vElAye ||
ca|| toDavula SrIsati tolimerugulamai | naDapulamuripepu nagumOmu |
taDayaka vAridhi daccina harikini | baDalikavApanu paramaMbAya ||
ca|| anudinamununu nI yalumElumaMga | kanugava jaMkena garvamulu |
dinadinaMbulunu tiruvEMkaTapati | canuvula sobagula saMpadalAya ||
