దైవంబవు కర్తవు నీవే హరి
యీవల నావల నెవ్వడనయ్యా
తలచిన తలపులు దైవ యోగములు
కలిగిన చేతలు కర్మములు
వెలసిన దేహము విషయాధీనము
యిల నౌకాదన నెవ్వడనయ్యా
జిగి నింద్రియములు చిత్తపు మూలము
తగులమి మాయకు తను గుణము
జగతి ప్రాణములు సంసార బంధము
యెగదిగ నాడగ యెవ్వడనయ్యా
శ్రీ తరుణేశ్వర శ్రీవేంకటపతి
ఆతుమ యిది నీ అధీనము
యీతల నీవిక నెట్టైన జేయుము
యేతలపోతకు నెవ్వడనయ్యా
daivaMbavu kartavu nIvE hari
yIvala nAvala nevvaDanayyA
talachina talapulu daiva yOgamulu
kaligina chEtalu karmamulu
velasina dEhamu vishayAdhInamu
yila naukAdana nevvaDanayyA
jigi niMdriyamulu chittapu mUlamu
tagulami mAyaku tanu guNamu
jagati prANamulu saMsAra baMdhamu
yegadiga nADaga yevvaDanayyA
SrI taruNESwara SrIvEMkaTapati
Atuma yidi nI adhInamu
yItala nIvika neTTaina jEyumu
yEtalapOtaku nevvaDanayyA
daivambavu karthavu - దైవంబవు కర్తవు
