నిత్యసుఖానంద మిదె నీ దాస్యము
సత్యములేని సుఖాలు చాలు చాలు నయ్యా
కన్ను చూపుల సుఖము కడు నీ చక్కని రూపె
యెన్నగ వీనులసుఖమిదె నీపేరు
పన్ని నాలుకసుఖము పాదపు నీతులసి
వున్న సుఖముల తెరు వొడబడమయ్యా
తనువుతోడి సుఖము తగు నీకైంకర్యము
మనసులో సుఖము నీ మంచి ధ్యానము
పనివి యూర్పుసుఖము పాదపద్మమువాసన
యెనయనిపెర సుఖమేమి సేసేనయ్యా
పుట్టుగు కెల్ల సుఖము పొల్లులేని నీభక్తి
తొట్టి కాళ్ళ సుఖము పాతురలాడుట
జట్టి శ్రీవేంకటేశ మాచనవోలిచెన్నుడవై
వొట్టుకొని మమ్మేలితివోహో మేలయ్యా
nityasukhAnaMda mide nI dAsyamu
satyamulEni sukhAlu chAlu chAlu nayyA
kannu chUpula sukhamu kaDu nI chakkani rUpe
yennaga vInulasukhamide nIpEru
panni nAlukasukhamu pAdapu nItulasi
vunna sukhamula teru voDabaDamayyA
tanuvutODi sukhamu tagu nIkaiMkaryamu
manasulO sukhamu nI maMchi dhyAnamu
panivi yUrpusukhamu pAdapadmamuvAsana
yenayanipera sukhamEmi sEsEnayyA
puTTugu kella sukhamu pollulEni nIbhakti
toTTi kALLa sukhamu pAturalADuTa
jaTTi SrIvEMkaTESa mAchanavOlichennuDavai
voTTukoni mammElitivOhO mElayyA
Sung by:Dwaram Lakshmi
nityasukhAnaMda mide nI dAsyamu
