నీవున్న చోటనే వైకుంఠము నెరసులు మరి చొరరాదు
పావన మది చెప్పేది వేదము పాటింపగవలెను
దేవుడా నా దేహమె నీకు తిరుమలగిరి పట్టణము
భావింప హృదయకమలమె బంగారపు మేడ
వేవేలు నా విజ్ఞానాదులు వేడుకపరిచారకులు
శ్రీవల్లభా యిందులో నితరచింతలు వెట్టకువే
పరమాత్మ నా మనసే బహురత్నంబుల మంచము
గరిమల నా యాత్మే నీకు కడు మెత్తని పఱపు
తిరముగ నుజ్ఞానదీప మున్నది దివ్యభోగమె ఆనందము
మరిగితి నీవున్నయెడల నిక మాయల గప్పకువే
ననిచిన నా వూరుపులే నీకు నారదాదుల పాటలు
వినయపు నా భక్తియె నీకును వినోదమగు పాత్ర
అనిశము శ్రీవేంకటేశ్వర అలమేల్మంగకు పతివి
ఘనుడవు నన్నేలితి విక కర్మము లెంచకువే
nIvunna chOTanE vaikuMThamu nerasulu mari chorarAdu
pAvana madi cheppEdi vEdamu pATiMpagavalenu
dEvuDA nA dEhame nIku tirumalagiri paTTaNamu
bhAviMpa hRdayakamalame baMgArapu mEDa
vEvElu nA vij~nAnAdulu vEDukaparichArakulu
SrIvallabhA yiMdulO nitarachiMtalu veTTakuvE
paramAtma nA manasE bahuratnaMbula maMchamu
garimala nA yAtmE nIku kaDu mettani pa~rapu
tiramuga nuj~nAnadIpa munnadi divyabhOgame AnaMdamu
marigiti nIvunnayeDala nika mAyala gappakuvE
nanichina nA vUrupulE nIku nAradAdula pATalu
vinayapu nA bhaktiye nIkunu vinOdamagu pAtra
aniSamu SrIvEMkaTESwara alamElmaMgaku pativi
ghanuDavu nannEliti vika karmamu leMchakuvE
nIvunna chOTanE vaikuMThamu
