వీధుల వీధుల విభుడేగేనిదె
మోదము తోడుత మొక్కరో జనులు
గరుడ ధ్వజంబదె కనకరధంబదె
అరదముపై హరి అలవాడే
ఇరుదెసలనున్నారు ఇందిరయు భువియు
పరగ పగ్గములు పట్టరో జనులు
ఆడేరదివో అచ్చరలెల్లరు
పాడేరు గంధర్వ పతులెల్ల
వేడుకతో వీడే విష్వక్సేనుడు
కూడి ఇందరును కొలువరో జనులు
శ్రీ వేంకటపతి శిఖరముచాయదె
భావింప బహువైభములవె
గోవింద నామపు ఘోషణలిడుచును
దైవంబితడని తలచరో జనులు
vIdhula vIdhula vibhuDEgEnide
mOdamu tODuta mokkarO janulu
garuDa dhwajaMbade kanakaradhaMbade
aradamupai hari alavADE
irudesalanunnAru iMdirayu bhuviyu
paraga paggamulu paTTarO janulu
ADEradivO achcharalellaru
pADEru gaMdharwa patulella
vEDukatO vIDE vishwaksEnuDu
kUDi iMdarunu koluvarO janulu
SrI vEMkaTapati SikharamuchAyade
bhAviMpa bahuvaibhamulave
gOviMda nAmapu ghOshaNaliDuchunu
daivaMbitaDani talacharO janulu
Sung by:Balakrishna Prasad
Annamayya_FAHF
వీధుల వీధుల విభుడేగేనిదె
