ప|| కలదు తిరుమంత్రము కలదిహము బరము | కలిమి గలుగు మాకు గడమే లేదు ||
చ|| కమలాక్షు నీవు మాకు గలిగియుండగ భూమి | నమరలేని దొకటి నవ్వలలేదు |
నెమకి నాలుకమీద నీనామము మెలగగ | తమితో బరుల వేడ దా జోటులేదు ||
చ|| శౌరి నీ చక్రము నాభుజము మీదనుండగాను | బూరవపు బగ లేదు యెదురూ లేదు |
చేరువ నీ సేవ నాచేతులపై నుండగాను | తీరని కర్మపు వెట్టిదినమూ లేదు ||
చ|| అచ్చుత నీపై భక్తి యాతుమలో నుండగాను | రచ్చల బుట్టిన యపరాధమూ లేదు |
నిచ్చలు శ్రీ వేంకటేశ నీశరణాగతుండగా | విచ్చిన విడే కాని విచారమే లేదు ||
pa|| kaladu tirumaMtramu kaladihamu baramu | kalimi galugu mAku gaDamE lEdu ||
ca|| kamalAkShu nIvu mAku galigiyuMDaga BUmi | namaralEni dokaTi navvalalEdu |
nemaki nAlukamIda nInAmamu melagaga | tamitO barula vEDa dA jOTulEdu ||
ca|| Sauri nI cakramu nABujamu mIdanuMDagAnu | bUravapu baga lEdu yedurU lEdu |
cEruva nI sEva nAcEtulapai nuMDagAnu | tIrani karmapu veTTidinamU lEdu ||
ca|| accuta nIpai Bakti yAtumalO nuMDagAnu | raccala buTTina yaparAdhamU lEdu |
niccalu SrI vEMkaTESa nISaraNAgatuMDagA | viccina viDE kAni vicAramE lEdu ||
Listen Audio:
kaladu tirumaMtramu kaladihamu - Top/popular/Annamayya/annamacarya spiritual/devotional/traditional/telugu/english/songs/ lyrics/Audio/videos
