adinIku dArukANamu - అదినీకు దారుకాణము

ప|| అదినీకు దారుకాణము అవునో కాదోకాని | 

కదిసి చెప్పగబోతే కతలయ్యీగాని ||

చ|| కలలోన నీరూపు కన్నుల గన్నట్లయ్యీ | 

చెలగి ఆసుద్ది చెప్ప జింతయ్యీగాని | 

వెలయ నీపలుకులు వీనుల విన్నట్లయ్యీ | 

సెలవి గమ్మర జెప్ప సిగ్గయ్యీగాని ||

చ|| మంతనాన నీతో మాటలాడి నట్లయ్యా | 

అంతట జూచితే వెరగయ్యీగాని | 

కంతు సమరతి నిన్ను గాగలించినట్లయ్యీ | 

పంతాన నేమనినాను పచ్చిదేరీగాని ||

చ|| వరుస నీమోవితేనె చవిగొన్న అట్లనయీ | 

వొరసి చూపబోతే గోరొత్తీగాని | 

ఇరవయిన శ్రీ వేంకటేశ నీవు ద్రిష్టముగా | 

సరుగ గూడిన నదె చాలాయగాని ||

pa|| adinIku dArukANamu avunO kAdOkAni | 

kadisi ceppagabOtE katalayyIgAni ||

ca|| kalalOna nIrUpu kannula gannaTlayyI | 

celagi Asuddi ceppa jiMtayyIgAni | 

velaya nIpalukulu vInula vinnaTlayyI | 

selavi gammara jeppa siggayyIgAni ||

ca|| maMtanAna nItO mATalADi naTlayyA | 

aMtaTa jUcitE veragayyIgAni | 

kaMtu samarati ninnu gAgaliMcinaTlayyI | 

paMtAna nEmaninAnu paccidErIgAni ||

ca|| varusa nImOvitEne cavigonna aTlanayI | 

vorasi cUpabOtE gOrottIgAni | 

iravayina SrI vEMkaTESa nIvu driShTamugA | 

saruga gUDina nade cAlAyagAni ||