ప|| కడగనుటే సౌఖ్యముగాక యీ- | తడతాకుల నెందరు చనరిట్లా ||
చ|| నిలచినదొకటే నిజమనితెలిసిన- | తెలివే ఘన మింతియకాకా |
కలకాలము చీకటి దవ్వుకొనెడి- | వలలభ్రమల నెవ్వరు వడరిట్లా ||
చ|| పరహిత మిదియే పరమని తెలిసిన- | పరిపక్వమె సంపదగాకా |
దురితవిధుల గొందుల సందుల బడి | ధరలోపల నెందరు చనరిట్లా ||
చ|| ఘనుడీ తిరువేంకటపతియని కని | కొనకెక్కుట తేకువగాకా |
పనిమాలిన యీపలు లంపటముల | తనువు వేచు టెంతటిపని యిట్లా ||
pa|| kaDaganuTE sauKyamugAka yI- | taDatAkula neMdaru canariTlA ||
ca|| nilacinadokaTE nijamanitelisina- | telivE Gana miMtiyakAkA |
kalakAlamu cIkaTi davvukoneDi- | valalaBramala nevvaru vaDariTlA ||
ca|| parahita midiyE paramani telisina- | paripakvame saMpadagAkA |
duritavidhula goMdula saMdula baDi | dharalOpala neMdaru canariTlA ||
ca|| GanuDI tiruvEMkaTapatiyani kani | konakekkuTa tEkuvagAkA |
panimAlina yIpalu laMpaTamula | tanuvu vEcu TeMtaTipani yiTlA ||
