ఒకపరి కొకపరి (రాగం:ఖరహరప్రియ ) (తాళం : )
ఒకపరి కొకపరి కొయ్యారమై
మొకమున కళలెల్ల మొలచినట్లుండె॥
జగదేకపతిమేన చల్లిన కర్పూరధూళి
జిగికొని నలువంక చిందగాను
మొగి చంద్రముఖి నురమున నిలిపెగాన
పొగరు వెన్నెల దిగబోసి నట్లుండె॥
పొరిమెరుగు చెక్కుల పూసిన తట్టుపునుగు
కరగి ఇరుదెసల కారగాను
కరిగమన విభుడు గనుక మోహమదము
తొరిగి సామజసిరి తొలికినట్లుండె॥
మెరయ శ్రీవేంకటేశుమేన సింగారముగాను
తరచైన సొమ్ములు ధరియించగా
మెరుగు బోడి అలమేలు మంగయు తాను
మెరుపు మేఘము గూడి మెరసినట్లుండె॥
పెద తిరుమలాచర్యుల రచన
Okapari kokapari (Raagam: Kharaharapriya ) (Taalam: )
Okapari kokapari koyyaaramaiMokamuna kalalella molachinatlumde
Jagadaekapatimaena challina karpooradhooli
Jigikoni naluvamka chimdagaanu
Mogi chamdramukhi nuramuna nilipegaana
Pogaru vennela digabosi natlumde
Porimerugu chekkula poosina tattupunugu
Karagi irudesala kaaragaanu
Karigamana vibhudu ganuka mohamadamu
Torigi saamajasiri tolikinatlumde
Meraya sreevaemkataesumaena simgaaramugaanu
Tarachaina sommulu dhariyimchagaa
Merugu bodi alamaelu mamgayu taanu
Merupu maeghamu goodi merasinatlumde
Peda tirumalaacharyula rachana
Sung by:Balakrishna Prasad
|
