ప|| జనులు నమరులు జయలిడగా | ఘనుడదె వుయ్యాలగంభముకాడ ||
చ|| వదలక వలసినవారికి వరములు | యెదురెదురై తానిచ్చుచును |
నిదురలేక పెనునిధినిధానమై | కదల డదే గరుడగంభముకాడ ||
చ|| కోరినవారికి కోరినవరములు | వోరంతప్రొద్దు నొసగుచును |
చేరువయై కృపసేసీ నిదివో | కూరిముల నడిమిగోపురమాడ ||
చ|| వడి వేంకటపతి వరములరాయడు | నుడుగు గాళ్ళు గన్నులు సుతుల |
బడిబడి నొసగును బ్రాణచారులకు | కడిమి నీడదిరుగనిచింతాడ ||
pa|| janulu namarulu jayaliDagA | GanuDade vuyyAlagaMBamukADa ||
ca|| vadalaka valasinavAriki varamulu | yeduredurai tAniccucunu |
niduralEka penunidhinidhAnamai | kadala DadE garuDagaMBamukADa ||
ca|| kOrinavAriki kOrinavaramulu | vOraMtaproddu nosagucunu |
cEruvayai kRupasEsI nidivO | kUrimula naDimigOpuramADa ||
ca|| vaDi vEMkaTapati varamularAyaDu | nuDugu gALLu gannulu sutula |
baDibaDi nosagunu brANacArulaku | kaDimi nIDadiruganiciMtADa ||
