నారాయణాచ్యుతానంత గోవింద హరి
సారముగ నీకునే శరణంటిని
చలువయును వేడియును నటల సంసారంబు
తొలకు సుఖమొకవేళ దుఃఖమొకవేళ
ఫలములివె యీ రెండు పాపములు పుణ్యములు
పులుసు దీపును గలపి భుజియించినట్లు
పగలు రాత్రులరీతి బహుజన్మ మరణాలు
తగుమేను పొడచూపు తనుదానె తొలగు
నగియించు నొకవేళ నలగించు నొకవేళ
వొగరు కారపు విడెము ఉబ్బించినట్లు
యిహము పరమును వలెనె యెదిటికల్లయు నిజము
విహరించు భ్రాంతియును విభ్రాంతియును మతిని
సహజ శ్రీ వేంకటేశ్వర నన్ను కరుణింప
బహువిధంబుల నన్ను పాలించవే
Naaraayanaachyutaanamta govimda hari
Saaramuga neekunae saranamtini
Chaluvayunu vaediyunu natala samsaarambu
Tolaku sukhamokavaela du@hkhamokavaela
Phalamulive yee remdu paapamulu punyamulu
Pulusu deepunu galapi bhujiyimchinatlu
Pagalu raatrulareeti bahujanma maranaalu
Tagumaenu podachoopu tanudaane tolagu
Nagiyimchu nokavaela nalagimchu nokavaela
Vogaru kaarapu videmu ubbimchinatlu
Yihamu paramunu valene yeditikallayu nijamu
Viharimchu bhraamtiyunu vibhraamtiyunu matini
Sahaja Sree vaemkataesvara nannu karunimpa
Bahuvidhambula nannu paalimchavae
|
