ప|| మనసు బండారము మగువమేను | పొదిగొన్న వలపులబొసగెగాన ||
చ|| మరుని యాయుధశాల మరునికొప్పు | తొరలించి విరులెల్లాదురిమెగాన |
యిరవై కీరములాయ మీపెగళము | సరసపుమాటలెల్లా జరపె గాన ||
చ|| కాముని సాము గరిడి కాంత వురము | ఆమని చను సంగడా లమరెగాన |
ప్రేమపుగేళాకూళి గంభీరనాభి | తేమ చెమటల చేత దిగుపారెగాన ||
చ|| కాంతుని వేట పొలము కన్నె పిఱుదు | బంతి మొలనూళ్ళ పోగు వారెగాన |
అంతటివానితల్లి యీయలమేల్మంగ | యింతలో శ్రీవేంకటేశు నెనసెగాన ||
pa|| manasu baMDAramu maguvamEnu | podigonna valapulabosagegAna ||
ca|| maruni yAyudhaSAla marunikoppu | toraliMci virulellAdurimegAna |
yiravai kIramulAya mIpegaLamu | sarasapumATalellA jarape gAna ||
ca|| kAmuni sAmu gariDi kAMta vuramu | Amani canu saMgaDA lamaregAna |
prEmapugELAkULi gaMBIranABi | tEma cemaTala cEta digupAregAna ||
ca|| kAMtuni vETa polamu kanne pirxudu | baMti molanULLa pOgu vAregAna |
aMtaTivAnitalli yIyalamElmaMga | yiMtalO SrIvEMkaTESu nenasegAna ||
