ప|| మేదిని జీవుల గావ మేలుకోవయ్యా | నీదయే మాకెల్ల రక్ష నిద్ర మేలుకోవయ్యా ||
చ|| తగుగోపికల కన్నుదామరలు వికసించె | మిగుల సూర్యనేత్రుడ మేలుకోవయ్యా |
తెగువ రాక్షసులనే తిమిరము విరియగ | నెగడిన పరంజ్యోతి నిద్ర మేలుకోవయ్యా ||
చ|| ఘనదురితపు గలువలు వికసించె | మినుకు శశినేత్రుడ మేలుకోవయ్యా |
పనివడి వేదాలనే పక్షులెల్లా బలుకగ | జనక! యాశ్రితపారిజాత మేలుకోవయ్యా ||
చ|| వరలక్ష్మీ కుచచక్రవాకము లొండొంటి రాయ | మెరయుదోషరహిత మేలుకోవయ్యా |
పొరసి నీవు నిత్యభోగములు భోగించ | నిరతి శ్రీవేంకటేశ నేడు మేలుకోవయ్యా ||
pa|| mEdini jIvula gAva mElukOvayyA | nIdayE mAkella rakSha nidra mElukOvayyA ||
ca|| tagugOpikala kannudAmaralu vikasiMce | migula sUryanEtruDa mElukOvayyA |
teguva rAkShasulanE timiramu viriyaga | negaDina paraMjyOti nidra mElukOvayyA ||
ca|| Ganaduritapu galuvalu vikasiMce | minuku SaSinEtruDa mElukOvayyA |
panivaDi vEdAlanE pakShulellA balukaga | janaka! yASritapArijAta mElukOvayyA ||
ca|| varalakShmI kucacakravAkamu loMDoMTi rAya | merayudOSharahita mElukOvayyA |
porasi nIvu nityaBOgamulu BOgiMca | nirati SrIvEMkaTESa nEDu mElukOvayyA ||
