ప|| మిక్కిలి మేలుది అలమేలుమంగ | అక్కరతో నిన్నుజూచీ నలమేలుమంగ ||
చ|| కొచ్చి కొచ్చి యాలాపించి కూరిమితో బాడగాను | మెచ్చీ నిన్నునిదె యలమేలుమంగ |
నెచ్చెలులతోడ నెల్లా నీగుణాలు సారె సారె | అచ్చలాన నాడుకొనీ నలమేలుమంగ ||
చ|| వాడల వాడల నీవు వయ్యాళి దోలగాను | మేడలెక్కి చూచీ నలమేలుమంగ |
వీడెము చేతబట్టుక వెస నీవు పిలువగా | ఆడనుండి వచ్చె నీకడ కలమేలుమంగ ||
చ|| ఈలీల శ్రీవేంకటేశ ఇంత చనవియ్యగాను | మేలములాడీ నలమేలుమంగ |
యేలిన నీ రతులను ఇదె తన నేరుపెల్లా | ఆలోచనలు సేసీ నలమేలుమంగా ||
pa|| mikkili mEludi alamElumaMga | akkaratO ninnujUcI nalamElumaMga ||
ca|| kocci kocci yAlApiMci kUrimitO bADagAnu | meccI ninnunide yalamElumaMga |
neccelulatODa nellA nIguNAlu sAre sAre | accalAna nADukonI nalamElumaMga ||
ca|| vADala vADala nIvu vayyALi dOlagAnu | mEDalekki cUcI nalamElumaMga |
vIDemu cEtabaTTuka vesa nIvu piluvagA | ADanuMDi vacce nIkaDa kalamElumaMga ||
ca|| IlIla SrIvEMkaTESa iMta canaviyyagAnu | mElamulADI nalamElumaMga |
yElina nI ratulanu ide tana nErupellA | AlOcanalu sEsI nalamElumaMgA ||
