ప|| మిక్కిలిపుణ్యులు హరి మీదాసులే హరి | తక్కినవారు మీకృపదప్పినవారు హరి ||
చ|| వున్నతపుసంపదల నోలలాడేయట్టివాడు | మున్నిటజన్మాన నీకు మొక్కినవాడు హరి |
పన్ని పడనిపాట్ల బరులగొలిచేవాడు | వున్నతిమిము సేవించనొల్లనివాడు హరి ||
చ|| పూని దేవేంద్రాదులై పొడవుకెక్కినవారు | శ్రీనాథ మిమ్మునే పూజించినవారు హరి |
నానారకముల నలగుచుండేవారు | నానాడే నీమహిమ నమ్మినవారు హరి ||
చ|| పావనులై నిజభక్తి బ్రపన్నులయ్యినవారు | శ్రీవేంకటేశ మిమ్ము జేరినవారె హరి |
వేవేలుదేవతలవెంట దగిలేటివాడు | కావించి మిమ్మెరుగనికర్మి యాతడే హరి ||
pa|| mikkilipuNyulu hari mIdAsulE hari | takkinavAru mIkRupadappinavAru hari ||
ca|| vunnatapusaMpadala nOlalADEyaTTivADu | munniTajanmAna nIku mokkinavADu hari |
panni paDanipATla barulagolicEvADu | vunnatimimu sEviMcanollanivADu hari ||
ca|| pUni dEvEMdrAdulai poDavukekkinavAru | SrInAtha mimmunE pUjiMcinavAru hari |
nAnArakamula nalagucuMDEvAru | nAnADE nImahima namminavAru hari ||
ca|| pAvanulai nijaBakti brapannulayyinavAru | SrIvEMkaTESa mimmu jErinavAre hari |
vEvEludEvatalaveMTa dagilETivADu | kAviMci mimmeruganikarmi yAtaDE hari ||
