పెరిగినాడు చూడరో పెద్ద హనుమంతుడు
పరగి నానా విద్యల బలవంతుడు ||
రక్కసుల పాలికి రణరంగ శూరుడు
వెక్కసపు ఏకాంగ వీరుడు
దిక్కులకు సంజీవి తెచ్చిన ధీరుడు
అక్కజమైనట్టి ఆకారుడు ||
లలిమీరిన యట్టి లావుల భీముడు
బలు కపికుల సార్వభౌముడు
నెలకొన్న లంకా నిర్థూమధాముడు
తలపున శ్రీరాము నాత్మారాముడు ||
దేవకార్యముల దిక్కువరేణ్యుడు
భావింపగల తపః ఫల పుణ్యుడు
శ్రీవేంకటేశ్వర సేవాగ్రగణ్యుడు
సావధానుడు సర్వశరణ్యుడు ||
periginADu cUDarO pedda hanumaMtuDu
paragi nAnA vidyala balavaMtuDu ||
rakkasula pAliki raNaraMga SUruDu
vekkasapu EkAMga vIruDu
dikkulaku saMjIvi techchina dhIruDu
akkajamainaTTi AkAruDu ||
lalimIrina yaTTi lAvula bhImuDu
balu kapikula sArwabhaumuDu
nelakonna laMkA nirthUmadhAmuDu
talapuna SrIrAmu nAtmArAmuDu ||
dEvakAryamula dikkuvarENyuDu
bhAviMpagala tapa@h phala puNyuDu
SrIvEMkaTESwara sEvAgragaNyuDu
sAvadhAnuDu sarwaSaraNyuDu ||
|
