ప|| పెరుగపెరుగ బెద్దలుగాగ పెనువెఱ్ఱి వట్టు బుద్దెఱిగితే |
మరులు మఱచితేనే యిన్నిటిగెలిచేమర్మముసుండీ జ్ఞానులకు ||
చ|| జననమందినయప్పుడు దేహి సన్యాసికంటే నిరాభారి |
తనర గౌపీనకటిసూత్రములతగులములేనిదిగంబరి |
తను దా నెఱుగడు యెదిరి యెదిరి నెఱగడు తత్త్వధ్యానాలయ నిర్మలచిత్తుడు |
పెనగేకోరిక యించుకంత లేదు పేరులేనివాడు వీడువో యమ్మా ||
చ|| నిద్దురవొయ్యేటియప్పుడు దేహి నిత్యవిరక్తునివంటిఘనుడు |
బుద్ధి సంసారముపై నించుకా లేదు భోగమేమీ నొల్లడు |
వొద్దనే యేపనులకు జేయబోడు వున్నలంపటాల కేమియు జొరడు |
కొద్దిలేనియాస యెందువోయనొకో కోప మేమిలేదు వీడివో యమ్మా ||
చ|| హరి శరణన్నయప్పుడు దేహి అమరులకంటే కడునధికుడు |
పరమునిహము నఱచేతిదే ప్రయాస మించుక లేదు |
దురితము లేదు దుఃఖములు లేవు తోడనే వైకుంఠ మెదురుగా వచ్చు |
గరిమ శ్రీవేంకటేశుడు వీడివో కానరైరిగా యిన్నాళ్ళమ్మా ||
pa|| perugaperuga beddalugAga penuverxrxi vaTTu budderxigitE |
marulu marxacitEnE yinniTigelicEmarmamusuMDI j~jAnulaku ||
ca|| jananamaMdinayappuDu dEhi sanyAsikaMTE nirABAri |
tanara gaupInakaTisUtramulatagulamulEnidigaMbari |
tanu dA nerxugaDu yediri yediri nerxagaDu tattvadhyAnAlaya nirmalacittuDu |
penagEkOrika yiMcukaMta lEdu pErulEnivADu vIDuvO yammA ||
ca|| nidduravoyyETiyappuDu dEhi nityaviraktunivaMTiGanuDu |
buddhi saMsAramupai niMcukA lEdu BOgamEmI nollaDu |
voddanE yEpanulaku jEyabODu vunnalaMpaTAla kEmiyu joraDu |
koddilEniyAsa yeMduvOyanokO kOpa mEmilEdu vIDivO yammA ||
ca|| hari SaraNannayappuDu dEhi amarulakaMTE kaDunadhikuDu |
paramunihamu narxacEtidE prayAsa miMcuka lEdu |
duritamu lEdu duHKamulu lEvu tODanE vaikuMTha medurugA vaccu |
garima SrIvEMkaTESuDu vIDivO kAnarairigA yinnALLammA ||
