ప|| హరి గొలిచియు మరీ నపరములా | తిరముగ నతనినే తెలియుటగాకా ||
చ|| పంకజనాభునిపాదములు దలచి | యింకా మరియొక యితరములా |
అంకెల నతనివే ఆతనిదాసులనే | కొంకొక నిజముగ గొలుచుటగాకా ||
చ|| పన్నగశయనునిబంట్లకు బంటై | కొన్నిటిపై మరి కోరికెలా |
యిన్నికోరికలు యిదియే తనకని | కొన్నదికోలై కోరుటగాకా ||
చ|| వీనుల వేంకటవిభునామామృత- | మూనిన మతి మరియును రుచులా |
తేనెలుగారెడితీపు లతనినుతి | నానారుచులై ననుచుటగాకా ||
pa|| hari goliciyu marI naparamulA | tiramuga nataninE teliyuTagAkA ||
ca|| paMkajanABunipAdamulu dalaci | yiMkA mariyoka yitaramulA |
aMkela natanivE AtanidAsulanE | koMkoka nijamuga golucuTagAkA ||
ca|| pannagaSayanunibaMTlaku baMTai | konniTipai mari kOrikelA |
yinnikOrikalu yidiyE tanakani | konnadikOlai kOruTagAkA ||
ca|| vInula vEMkaTaviBunAmAmRuta- | mUnina mati mariyunu ruculA |
tEnelugAreDitIpu lataninuti | nAnAruculai nanucuTagAkA ||
