శ్రీ లక్ష్మీనృసింహ కరావలంబ స్తోత్రమ్ - Sri Lakshmi Narasimha Karavalamba Stotram
శ్రీ మత్పయోనిధి నికేతన చక్రపాణే | భోగీంద్ర భోగ మణిరాజిత పుణ్యమూర్తే। యోగీశ శాశ్వత శరణ్య భవాబ్ధిపోత। లక్ష్మీ నృసింహ! మమదేహి కరావలంబమ్ ॥
బ్రహ్మేంద్ర రుద్ర మరుదర్క కిరీటికోటి, సంఘట్టి తాంఘ్ర కమలామల కాంతికాంత | లక్ష్మీలసత్కుచ సరోరుహ రాజహంస | లక్ష్మీ నృసింహ! మమదేహి కరావలంబమ్ ॥
సంసార సాగర విశాల కరాళ కామ ।
నక్రగ్రహగ్రసన నిగ్రహ విగ్రహస్య ।
మగ్నస్య రాగ లసదూర్మి నిపీడితస్య,
లక్ష్మీ నృసింహ! మమదేహి కరావలంబమ్ ॥
సంసార ఘోరగహనే చరతోమురారే ।
మారోగ్ర భీకర మృగ ప్రవరార్ధితస్య ।
ఆర్తస్య మత్సర నిదాఘ నిపీడితస్య,
లక్ష్మీ నృసింహ! మమదేహి కరావలంబమ్ ॥
సంసారకూప మతిఘోరమగాధమూలం ।
సంప్రాప్య దుఃఖ శతసర్ప సమాకులస్య,
దీనస్య దేవ! కృపయా శరణా గతస్య,
లక్ష్మీ నృసింహ! మమదేహి కరావలంబమ్ ॥
సంసార భీకర కరీంద్ర కరాభిఘాత।
నిష్పీడ్యమాన వపుషస్సకలార్ధితస్య।
ప్రాణ ప్రయాణ భవభీతి సమాకులస్య,
లక్ష్మీ నృసింహ! మమదేహి కరావలంబమ్ ॥
సంసార సర్పవిషదష్ట భయోగ్రతీవ్ర ।
దంష్ట్రా కరాళ విషధగ్ధ వినష్టమూర్తేః ।
నాగారివాహన! సుధాబ్ధినివాస! శౌరే!।
లక్ష్మీ నృసింహ! మమదేహి కరావలంబమ్ ॥
సంసార జాల పతితస్య జగన్నివాస ।
సర్వేన్డ్రియార్థ బడిశశ ఝషాత్మనశ్చ ।
ప్రోత్తంభిత ప్రచురతాలుక మస్తకస్య ।
లక్ష్మీ నృసింహ! మమదేహి కరావలంబమ్ ॥
సంసార వృక్షమఘ బీజమనన్తకర్మ,
శాఖాయుతం కరణపత్ర మనంగ పుష్పం,
ఆరుహ్య దుఃఖ జలధౌ పతితో దయాళో
లక్ష్మీ నృసింహ! మమదేహి కరావలంబమ్ ॥
సంసార దావ దహనాకుల భీకరోగ్ర,
జ్వాలావళీభి రభిదగ్ధ తనూరుహస్య|
త్వత్పాద యుగ్మ సరసీరుహ మస్తకస్య|
లక్ష్మీ నృసింహ! మమదేహి కరావలంబమ్ ॥
సంసార సాగర నిమజ్జన ముహ్యమానం |
దీనం విలోకయవిభో కరుణానిధే మామ్ |
ప్రహ్లాదఖేద పరిహార పరావతార |
లక్ష్మీ నృసింహ! మమదేహి కరావలంబమ్ ॥
సంసార యూధ గజసంహతి సింహ దంష్ట్రా |
భీతస్య దుష్టమతి దైత్య భయంకరేణ |
ప్రాణ ప్రయాణ భవభీతి నివారణేన।
లక్ష్మీ నృసింహ! మమదేహి కరావలంబమ్ ॥
సంసారయోని సకలేప్సిత నిత్యకర్మ|
సంప్రాప్య దుఃఖ సకలేన్డ్రియ మృత్యునాశ।
సంకల్ప సిన్ధుతనయా కుచకుంకుమాంక |
లక్ష్మీ నృసింహ! మమదేహి కరావలంబమ్ ॥
బధ్వాకశై ర్యమభటా బహుభర్తయన్తి।
కర్షన్తి యత్రపథి పాశశతైర్య దామామ్।
ఏకాకినం పరవశం చకితం దయాళో ।
లక్ష్మీ నృసింహ! మమదేహి కరావలంబమ్ ॥
అంధస్యమే హృతవివేక మహాధనస్య |
చోరైర్మహా బలిభిరింద్రియ నామధేయైః |
మోహాన్ధకార కుహరే వినిపాతి తస్య।
లక్ష్మీ నృసింహ! మమదేహి కరావలంబమ్ ||
లక్ష్మీపతే! కమలనాభ! సురేశ! విష్ణో |
యజ్ఞేశ! యజ్ఞ! మధుసూదన! విశ్వరూప |
బ్రహ్మణ్య! కేశవ! జనార్దన! వాసుదేవ |
లక్ష్మీ నృసింహ! మమదేహి కరావలంబమ్ ॥
ప్రహ్లాద నారద పరాశర పుణ్డరీక |
వ్యాసామ్బరీష శుకశౌనక హృన్నివాస |
భక్తానురక్త పరిపాలన పారిజాత |
లక్ష్మీ నృసింహ! మమదేహి కరావలంబమ్ ॥
ఏకేన చక్ర మపరేణ కరేణశంఖం |
అన్యేన సిన్ధు తనయామవిలంబ్య తిష్ఠన్ |
వామేతరేణ వరదా భయ హస్త ముద్రాం ॥
లక్ష్మీ నృసింహ! మమదేహి కరావలంబమ్ ॥
ఆద్యన్తశూన్య మజ మవ్యయ మప్రమేయం |
ఆదిత్య రుద్ర నిగమాది నుత ప్రభావమ్ |
త్వా మ్భోధి జాస్య మధులోలుప మత్తభృంగమ్ |
లక్ష్మీ నృసింహ! మమదేహి కరావలంబమ్ ॥
వారాహ రామ నరసింహ రమాదికాన్తా।
క్రీడావిలోల విధి శూలి సురప్రవన్ద్య ।
హంసాత్మకం పరమహంస విహారలీలం|
లక్ష్మీ నృసింహ! మమదేహి కరావలంబమ్ ॥
మాతా నృసింహశ్చ పితా నృసింహః ।
భ్రాతా నృసింహశ్చ సఖా నృసింహః ॥
విద్యా నృసింహో ద్రవిణం నృసింహః ।
స్వామీ నృసింహస్సకలం నృసింహః ॥
ప్రహ్లాద మానస సరోజ విహారభృంగ |
గంగాతరంగ ధవళాంగ రమాస్థితాంక |
శృంగార సుందర కిరీటలసద్వరాంగ|
లక్ష్మీ నృసింహ! మమదేహి కరావలంబమ్ ॥
శ్రీ శంకరాచార్య రచితం సతతం మనుష్యః |
స్తోత్రం పఠేదిహతు సర్వగుణ ప్రపన్నమ్ |
సద్యోవిముక్త కలుషో మునివర్య గణ్యో|
లక్ష్మీ పతేః పద ముపైతి సనిర్మలాత్మా ॥
యన్మాయ యార్జిత వపుః ప్రచుర ప్రవాహ |
మగ్నార్తమర్త్య నివహేషు కరావలంబమ్ |
లక్ష్మీ నృసింహ చరణాబ్జ మధువ్రతేన |
స్తోత్రం కృతం శుభకరం భువి శంకరేణ ॥
శ్రీ మన్నృసింహ విభవే గరుడధ్వజాయ |
తాపత్ర యోపశమనాయ భవౌషధాయ |
తృష్ణాది వృశ్చిక, జలాగ్ని, భుజంగ, రోగ।
క్లేశవ్యయాయ హరయే గురవే నమస్తే ॥