Sri Venkateshwara Ashtottara Shatanama Stotram – శ్రీ వేంకటేశ్వర అష్టోత్తరశతనామ స్తోత్రం
Source: Varaha Purana – Venkatachala Mahatmya
Language: Sanskrit | Telugu Script
Deity: Lord Venkateshwara (Balaji / Srinivasa)
🪙 Dhyana (Meditation Verse)
ధ్యానం |
శ్రీ వేంకటాచలాధీశం శ్రియాధ్యాసితవక్షసమ్ |
శ్రితచేతనమందారం శ్రీనివాసమహం భజే ||
📜 Stotram in Telugu
మునయ ఊచుః |
సూత సర్వార్థతత్త్వజ్ఞ సర్వవేదాంతపారగ |
యేన చారాధితః సద్యః శ్రీమద్వేంకటనాయకః || ౧ ||
భవత్యభీష్టసర్వార్థప్రదస్తద్బ్రూహి నో మునే |
ఇతి పృష్టస్తదా సూతో ధ్యాత్వా స్వాత్మని తత్ క్షణాత్ ||
ఉవాచ మునిశార్దూలాన్ శ్రూయతామితి వై మునిః || ౨ ||
శ్రీసూత ఉవాచ |
అస్తి కించిన్మహద్గోప్యం భగవత్ప్రీతికారకమ్ |
పురా శేషేణ కథితం కపిలాయ మహాత్మనే || ౩ ||
నామ్నామష్టశతం పుణ్యం పవిత్రం పాపనాశనమ్ |
ఆదాయ హేమపద్మాని స్వర్ణదీసంభవాని చ || ౪ ||
బ్రహ్మా తు పూర్వమభ్యర్చ్య శ్రీమద్వేంకటనాయకమ్ |
అష్టోత్తరశతైర్దివ్యైర్నామభిర్మునిపూజితైః || ౫ ||
స్వాభీష్టం లబ్ధవాన్ బ్రహ్మా సర్వలోకపితామహః |
భవద్భిరపి పద్మైశ్చ సమర్చ్యస్తైశ్చ నామభిః || ౬ ||
తేషాం శేషనగాధీశమానసోల్లాసకారిణామ్ |
నామ్నామష్టశతం వక్ష్యే వేంకటాద్రినివాసినః || ౭ ||
ఆయురారోగ్యదం పుంసాం ధనధాన్యసుఖప్రదమ్ |
జ్ఞానప్రదం విశేషేణ మహదైశ్వర్యకారకమ్ || ౮ ||
అర్చయేన్నామభిర్దివ్యైః వేంకటేశపదాంకితైః |
నామ్నామష్టశతస్యాస్య ఋషిర్బ్రహ్మా ప్రకీర్తితః || ౯ ||
ఛందోఽనుష్టుప్తథా దేవో వేంకటేశ ఉదాహృతః |
నీలగోక్షీరసంభూతో బీజమిత్యుచ్యతే బుధైః || ౧౦ ||
శ్రీనివాసస్తథా శక్తిర్హృదయం వేంకటాధిపః |
వినియోగస్తథాఽభీష్టసిద్ధ్యర్థే చ నిగద్యతే || ౧౧ ||
(స్తోత్రమ్)
ఓం నమో వేంకటేశాయ శేషాద్రినిలయాయ చ |
వృషదృగ్గోచరాయాఽథ విష్ణవే సతతం నమః || ౧౨ ||
సదంజనగిరీశాయ వృషాద్రిపతయే నమః |
మేరుపుత్రగిరీశాయ సరఃస్వామితటీజుషే || ౧౩ ||
కుమారాకల్పసేవ్యాయ వజ్రిదృగ్విషయాయ చ |
సువర్చలాసుతన్యస్తసైనాపత్యభరాయ చ || ౧౪ ||
రామాయ పద్మనాభాయ సదావాయుస్తుతాయ చ |
త్యక్తవైకుంఠలోకాయ గిరికుంజవిహారిణే || ౧౫ ||
హరిచందనగోత్రేంద్రస్వామినే సతతం నమః |
శంఖరాజన్యనేత్రాబ్జవిషయాయ నమో నమః || ౧౬ ||
వసూపరిచరత్రాత్రే కృష్ణాయ సతతం నమః |
అబ్ధికన్యాపరిష్వక్తవక్షసే వేంకటాయ చ || ౧౭ ||
సనకాదిమహాయోగిపూజితాయ నమో నమః |
దేవజిత్ప్రముఖానంతదైత్యసంఘప్రణాశినే || ౧౮ ||
శ్వేతద్వీపవసన్ముక్తపూజితాంఘ్రియుగాయ చ |
శేషపర్వతరూపత్వప్రకాశనపరాయ చ || ౧౯ ||
సానుస్థాపితతార్క్ష్యాయ తార్క్ష్యాచలనివాసినే |
మాయాగూఢవిమానాయ గరుడస్కంధవాసినే || ౨౦ ||
అనంతశిరసే నిత్యమనంతాక్షాయ తే నమః |
అనంతచరణాయాఽథ శ్రీశైలనిలయాయ చ || ౨౧ ||
దామోదరాయ తే నిత్యం నీలమేఘనిభాయ చ |
బ్రహ్మాదిదేవదుర్దర్శవిశ్వరూపాయ తే నమః || ౨౨ ||
వైకుంఠాగతసద్ధేమవిమానాంతర్గతాయ చ |
అగస్త్యాభ్యర్థితాశేషజనదృగ్గోచరాయ చ || ౨౩ ||
వాసుదేవాయ హరయే తీర్థపంచకవాసినే |
వామదేవప్రియాయాఽథ జనకేష్టప్రదాయ చ || ౨౪ ||
మార్కండేయమహాతీర్థజాతపుణ్యప్రదాయ చ |
వాక్పతిబ్రహ్మదాత్రే చ చంద్రలావణ్యదాయినే || ౨౫ ||
నారాయణనగేశాయ బ్రహ్మక్లుప్తోత్సవాయ చ |
శంఖచక్రవరానమ్రలసత్కరతలాయ చ || ౨౬ ||
ద్రవన్మృగమదాసక్తవిగ్రహాయ నమో నమః |
కేశవాయ నమో నిత్యం నిత్యయౌవనమూర్తయే || ౨౭ ||
అర్థితార్థప్రదాత్రే చ విశ్వతీర్థాఘహారిణే |
తీర్థస్వామిసరస్స్నాతజనాభీష్టప్రదాయినే || ౨౮ ||
కుమారధారికావాసస్కందాభీష్టప్రదాయ చ |
జానుదఘ్నసమద్భూతపోత్రిణే కూర్మమూర్తయే || ౨౯ ||
కిన్నరద్వంద్వశాపాంతప్రదాత్రే విభవే నమః |
వైఖానసమునిశ్రేష్ఠపూజితాయ నమో నమః || ౩౦ ||
సింహాచలనివాసాయ శ్రీమన్నారాయణాయ చ |
సద్భక్తనీలకంఠార్చ్యనృసింహాయ నమో నమః || ౩౧ ||
కుముదాక్షగణశ్రేష్ఠసైనాపత్యప్రదాయ చ |
దుర్మేధఃప్రాణహర్త్రే చ శ్రీధరాయ నమో నమః || ౩౨ ||
క్షత్రియాంతకరామాయ మత్స్యరూపాయ తే నమః |
పాండవారిప్రహర్త్రే చ శ్రీకరాయ నమో నమః || ౩౩ ||
ఉపత్యకాప్రదేశస్థశంకరధ్యాతమూర్తయే |
రుక్మాబ్జసరసీకూలలక్ష్మీకృతతపస్వినే || ౩౪ ||
లసల్లక్ష్మీకరాంభోజదత్తకల్హారకస్రజే |
శాలగ్రామనివాసాయ శుకదృగ్గోచరాయ చ || ౩౫ ||
నారాయణార్థితాశేషజనదృగ్విషయాయ చ |
మృగయారసికాయాఽథ వృషభాసురహారిణే || ౩౬ ||
అంజనాగోత్రపతయే వృషభాచలవాసినే |
అంజనాసుతదాత్రే చ మాధవీయాఘహారిణే || ౩౭ ||
ప్రియంగుప్రియభక్షాయ శ్వేతకోలవరాయ చ |
నీలధేనుపయోధారాసేకదేహోద్భవాయ చ || ౩౮ |
శంకరప్రియమిత్రాయ చోళపుత్రప్రియాయ చ |
సుధర్మిణీసుచైతన్యప్రదాత్రే మధుఘాతినే || ౩౯ ||
కృష్ణాఖ్యవిప్రవేదాంతదేశికత్వప్రదాయ చ |
వరాహాచలనాథాయ బలభద్రాయ తే నమః || ౪౦ ||
త్రివిక్రమాయ మహతే హృషీకేశాయ తే నమః |
అచ్యుతాయ నమో నిత్యం నీలాద్రినిలయాయ చ || ౪౧ ||
నమః క్షీరాబ్ధినాథాయ వైకుంఠాచలవాసినే |
ముకుందాయ నమో నిత్యమనంతాయ నమో నమః || ౪౨ ||
విరించాభ్యర్థితానీతసౌమ్యరూపాయ తే నమః |
సువర్ణముఖరీస్నాతమనుజాభీష్టదాయినే || ౪౩ ||
హలాయుధజగత్తీర్థసమస్తఫలదాయినే |
గోవిందాయ నమో నిత్యం శ్రీనివాసాయ తే నమః || ౪౪ ||
—
అష్టోత్తరశతం నామ్నాం చతుర్థ్యా నమసాఽన్వితమ్ |
యః పఠేచ్ఛృణుయాన్నిత్యం శ్రద్ధాభక్తిసమన్వితః || ౪౫ ||
తస్య శ్రీవేంకటేశస్తు ప్రసన్నో భవతి ధ్రువమ్ |
అర్చనాయాం విశేషేణ గ్రాహ్యమష్టోత్తరం శతమ్ || ౪౬ ||
వేంకటేశాభిధేయైర్యో వేంకటాద్రినివాసినమ్ |
అర్చయేన్నామభిస్తస్య ఫలం ముక్తిర్న సంశయః || ౪౬ ||
గోపనీయమిదం స్తోత్రం సర్వేషాం న ప్రకాశయేత్ |
శ్రద్ధాభక్తియుజామేవ దాపయేన్నామసంగ్రహమ్ || ౪౮ ||
ఇతి శేషేణ కథితం కపిలాయ మహాత్మనే |
కపిలాఖ్యమహాయోగిసకాశాత్తు మయా శ్రుతమ్ |
తదుక్తం భవతామద్య సద్యః ప్రీతికరం హరేః || ౪౯ ||
ఇతి శ్రీవరాహపురాణే శ్రీవేంకటాచలమాహాత్మ్యే శ్రీవేంకటేశాష్టోత్తరశతనామ స్తోత్రమ్ ||
✨ Meaning and Significance
The Sri Venkateshwara Ashtottara Shatanama Stotram consists of 108 sacred names of Lord Venkateshwara, each symbolizing His divine qualities and cosmic roles. Reciting these names with devotion invokes the Lord’s blessings, removes sins, and grants peace and prosperity. It is said that chanting this stotram equals performing great yagnas and pilgrimages.
🕊 Benefits of Chanting
- Invokes the divine grace of Lord Venkateshwara.
- Brings spiritual growth, peace, and wealth.
- Removes fear, negative karma, and obstacles in life.
- Ideal for daily or Saturday morning recitation.
🙏 About Lord Venkateshwara
Lord Venkateshwara, also known as Srinivasa or Balaji, is an incarnation of Lord Vishnu. His abode on Tirumala Hills is considered one of the holiest shrines in Hinduism. According to Puranas, He appeared in the Kali Yuga to bless humanity and grant moksha to devotees who surrender with faith.
📿 Importance in Hindu Mythology
This stotram is mentioned in the Varaha Purana, in the section describing the glory of Venkatachala. It is believed that reciting the 108 names of Lord Venkateshwara with devotion fulfills all desires and cleanses the devotee of worldly attachments. The sage Kapila received this hymn through divine transmission, and it continues to be chanted by devotees across temples and households.
🪔 How to Chant
Chant early in the morning or during special occasions like Saturdays, Vaikunta Ekadashi, or Tirupati Brahmotsavam. Sit facing east, light a lamp, and meditate upon Lord Srinivasa while reciting each name slowly and clearly.
