ప|| బ్రహ్మకడిగిన పాదము |
బ్రహ్మము దానె నీ పాదము ||
చ|| చెలగి వసుధ గొలిచిన నీ పాదము |
బలితల మోపిన పాదము |
తలకక గగనము తన్నిన పాదము |
బలరిపు గాచిన పాదము ||
చ|| కామిని పాపము కడిగిన పాదము |
పాముతల నిడిన పాదము |
ప్రేమపు శ్రీసతి పిసికెడి పాదము |
పామిడి తురగపు పాదము ||
చ|| పరమ యోగులకు పరి పరి విధముల |
వర మొసగెడి నీ పాదము |
తిరు వేంకటగిరి తిరమని చూపిన |
పరమ పదము నీ పాదము ||
pa|| brahmakaDigina pAdamu |
brahmamu dAne nI pAdamu ||
ca|| celagi vasudha golicina nI pAdamu |
balitala mOpina pAdamu |
talakaka gaganamu tannina pAdamu |
balaripu gAcina pAdamu ||
ca|| kAmini pApamu kaDigina pAdamu |
pAmutala niDina pAdamu |
prEmapu SrIsati pisikeDi pAdamu |
pAmiDi turagapu pAdamu ||
ca|| parama yOgulaku pari pari vidhamula |
vara mosageDi nI pAdamu |
tiru vEMkaTagiri tiramani cUpina |
parama padamu nI pAdamu ||
