cheli nIvu modalanE - చెలి నీవు మొదలనే

చెలి నీవు మొదలనే సిగ్గరి పెండ్లి కూతురవు
ఇలనింత పచ్చిదీరె(దేరీ?) ఇదివో నీ భావము

చెక్కులవెంటా గారె చెమట తుడుచుకోవే
చక్కవెట్టుకొనవే నీ జారిన కొప్పు
అక్కుమీద పెనగొన్న హారాలు చిక్కు దీయవే
ఇక్కువల నీ కోరికె లీడేరెనిపుడు

పెదవి మీద కెంపులబేంట్లు రాలుచుకోవే
చెదరిన ముంగురులు చేత దువ్వవే
వదలిన పయ్యెద చివ్వన బిగించుకొనవే
పది(బదిగా నీనోము ఫలియించె నిపుడు

తిలకము కరగెను దిద్దుకోవే నొసలను
కలసిన గురుతులు గప్పుకొనవే
యెలమి శ్రీవేంకటేశు( డేలె నలమేలుమంగవు
తలచిన తలపులు తలకూడె నిపుడు

cheli nIvu modalanE siggari peMDli kUturavu
ilaniMta pachchidIre(dErI?) idivO nI bhAvamu

chekkulaveMTA gAre chemaTa tuDuchukOvE
chakkaveTTukonavE nI jArina koppu
akkumIda penagonna hArAlu chikku dIyavE
ikkuvala nI kOrike lIDErenipuDu

pedavi mIda keMpulabEMTlu rAluchukOvE
chedarina muMgurulu chEta duvvavE
vadalina payyeda chivvana bigiMchukonavE
padi(badigA nInOmu phaliyiMche nipuDu

tilakamu karagenu diddukOvE nosalanu
kalasina gurutulu gappukonavE
yelami SrIvEMkaTESu( DEle nalamElumaMgavu
talachina talapulu talakUDe nipuDu