దైవమా నీ చేతిదే మాధర్మపుణ్యము
పూవు వంటి కడు లేత బుధ్ధి వారము
యేమిటి వారము నేము యిదివో మా కర్మ మెంత
భూమి నీవు పుట్టించగఁ బుట్టితిమి
నేమముతో నడచేటి నేరుపేది మావల్ల
దీముతో మోచిన తోలు దేహులము
యెక్కడ మాకిక గతి యెరిగే దెన్నడు నేము
చిక్కినట్టి నీ చేతిలో జీవులము
తక్కక నీ మాయలెల్లాఁ దాటగలమా మేము
మొక్కలపుటజ్ఞానపు ముగ్ధలము
యేది తుద మొదలు మాకిక నిందులో నీవే
ఆదిమూర్తి నీకు శరణాగతులము
యీదెస శ్రీవేంకటేశ యేలితివి నన్ను నిట్టె
నీదయ గలుగగాను నీ వారము
daivamA nI chEtidE mAdharmapuNyamu
pUvu vaMTi kaDu lEta budhdhi vAramu
yEmiTi vAramu nEmu yidivO mA karma meMta
bhUmi nIvu puTTiMchaga@M buTTitimi
nEmamutO naDachETi nErupEdi mAvalla
dImutO mOchina tOlu dEhulamu
yekkaDa mAkika gati yerigE dennaDu nEmu
chikkinaTTi nI chEtilO jIvulamu
takkaka nI mAyalellA@M dATagalamA mEmu
mokkalapuTaj~nAnapu mugdhalamu
yEdi tuda modalu mAkika niMdulO nIvE
AdimUrti nIku SaraNAgatulamu
yIdesa SrIvEMkaTESa yElitivi nannu niTTe
nIdaya galugagAnu nI vAramu
sung by Vedavati Prabhakar
Daivamaa neechetide maa - దైవమా నీ చేతిదే మా
