గరుడ ధ్వజంబెక్కె కమలాక్షు పెండ్లికి
పరుష లదివో వచ్చె పైపై సేవించను
పాడిరి సోబాన నదె భారతియ గిరుజయు
ఆడిరి రంభాదులైన అచ్చరలెల్ల
కూడిరి దేవతలెల్ల గుంపులై శ్రీవేంకటాద్రి
వేడుకలు మీరగ శ్రీవిభుని పెండ్లికిని
కురిసె పువ్వులవాన కుప్పలై యెందు చూచిన
మొరసె దేవదుందుభి మోతలెల్లను
బెరసె సంపదలెల్ల పెంటలై శ్రీవేంకటాద్రి
తిరమై మించిన దేదదేవుని పెండ్లికిని
వేసిరి కానుకలెల్ల వేవేలు కొప్పెరల
పోసిరదె తలబాలు పుణ్యసతులు
ఆసల శ్రీవేంకటేశుడలమేలుమంగ తాను
సేసలు వెట్టిన యట్టి సింగారపు పెండ్లికి
garuDa dhwajambekke kamalAkshu peMDliki
parusha ladivO vachche paipai sEviMchanu
pADiri sObAna nade bhAratiya girujayu
ADiri raMbhAdulaina achcharalella
kUDiri dEvatalella guMpulai SrIvEMkaTAdri
vEDukalu mIraga SrIvibhuni peMDlikini
kurise puvvulavAna kuppalai yeMdu chUchina
morase dEvaduMdubhi mOtalellanu
berase saMpadalella peMTalai SrIvEMkaTAdri
tiramai miMchina dEdadEvuni peMDlikini
vEsiri kAnukalella vEvElu kopperala
pOsirade talabAlu puNyasatulu
Asala SrIvEMkaTESuDalamElumaMga tAnu
sEsalu veTTina yaTTi siMgArapu peMDliki
garuDa dhwajambekke - గరుడ ధ్వజంబెక్కె
