konarO konarO mIru - కొనరో కొనరో మీరు

కొనరో కొనరో మీరు కూరిమి మందు
ఉనికి మనికి కెల్లా ఒక్కటే మందు

ధృవుడు గొనిన మందు తొల్లి ప్రహ్లాదుడు
చవిగా గొనిన మందు చల్లని మందు
భవరోగములు వీడి పారగ పెద్దలు మున్ను
జవ కట్టుకొనిన నిచ్చలమైన మందు

నిలిచి నారదుడు గొనిన మందు , జనకుడు
గెలుపుతో కొని బ్రదికిన యా మందు
మొలచి నాలుగు యుగముల రాజులు ఘనులు
కలకాలము గొని కడగన్న మందు

అజునకు పరమాయువై యొసగిన మందు
నిజమై లోకమెల్లా నిండిన మందు
త్రిజగములు నెఱుగ తిరువేంకటాద్రిపై
ధ్వజమెత్తే కోనేటి దరినున్న మందు

konarO konarO mIru kUrimi maMdu
uniki maniki kellA okkaTE maMdu

dhRvuDu gonina maMdu tolli prahlAduDu
chavigA gonina maMdu challani maMdu
bhavarOgamulu vIDi pAraga peddalu munnu
java kaTTukonina nichchalamaina maMdu

nilichi nAraduDu gonina maMdu , janakuDu
geluputO koni bradikina yA maMdu
molachi nAlugu yugamula rAjulu ghanulu
kalakAlamu goni kaDaganna maMdu

ajunaku paramAyuvai yosagina maMdu
nijamai lOkamellA niMDina maMdu
trijagamulu ne~ruga tiruvEMkaTAdripai
dhwajamettE kOnETi darinunna maMdu

Audio link: Vocal

Get this widget | Track details | eSnips Social DNA