Itara chimta lika - ఇతర చింత లిక

రాగం: గుండక్రియ

ప|| ఇతరచింత లేక యేమిటికి | అతడే గతియై అరసేటివాడు ||

చ|| కర్మ మూలమే కాయము నిజ | ధర్మ మూలమే తన యాత్మ |
అర్మిలి రెంటికి హరి యొకడే | మర్మ మీతడే మనిపేటి వాడు ||

చ|| బహుభోగ సమయము ప్రపంచము | విహిత జ్ఞానము నిజముక్తి |
ఇహపరములకును ఈశ్వరుడే | సహజ కర్తయై జరిపేటి వాడు ||

చ|| అతి దుఃఖకరము లాసలు | సతత సుఖకరము సమవిరతి |
గతి యలమేల్మంగతో శ్రీ వేంకట | పతి యొకడిన్నిట పాలించువాడు ||

Raagam:Gumdakriya

pa|| itaraciMta lEka yEmiTiki | ataDE gatiyai arasETivADu ||

ca|| karma mUlamE kAyamu nija | dharma mUlamE tana yAtma |
armili reMTiki hari yokaDE | marma mItaDE manipETi vADu ||

ca|| bahuBOga samayamu prapaMcamu | vihita j~jAnamu nijamukti |
ihaparamulakunu ISvaruDE | sahaja kartayai jaripETi vADu ||

ca|| ati duHKakaramu lAsalu | satata suKakaramu samavirati |
gati yalamElmaMgatO SrI vEMkaTa | pati yokaDinniTa pAliMcuvADu ||