ప|| ఏల రాడమ్మా యింతిరో వా- | డేలరాడమ్మా నన్నేలినవాడు ||
చ|| పచ్చని పులుగుల బండిమీద నుండు | పచ్చవింటి పిన్నబాలుని తండ్రి |
పచ్చని చాయల బాయని బంగారు | పచ్చడముగట్టిన బాగైనవాడు ||
చ|| తెల్లని పులుగుపై తిరుగ మరిగినట్టి | తెల్లని సతిపాలి దేవరతండ్రి |
తెల్లని పరపుపై తేలి పొరలువెట్టు | తెల్లని కన్నుల దెలివైనవాడు ||
చ|| కొండవింటివాని గుత్తగొనినయట్టి | కొండుకప్రాయపు గూతురుతండ్రి |
కొండలరాయడు కోనేటి తిమ్మయ్య | కొండ తల నెత్తి గురుతైన వాడు ||
pa|| Ela rADammA yiMtirO vA- | DElarADammA nannElinavADu ||
ca|| paccani pulugula baMDimIda nuMDu | paccaviMTi pinnabAluni taMDri |
paccani cAyala bAyani baMgAru | paccaDamugaTTina bAgainavADu ||
ca|| tellani pulugupai tiruga mariginaTTi | tellani satipAli dEvarataMDri |
tellani parapupai tEli poraluveTTu | tellani kannula delivainavADu ||
ca|| koMDaviMTivAni guttagoninayaTTi | koMDukaprAyapu gUturutaMDri |
koMDalarAyaDu kOnETi timmayya | koMDa tala netti gurutaina vADu ||
