ప : ఏమని వర్ణించునుకో ఇంక పురాణములెల్ల
వేమారు కొత్తలాయె విశ్వలోకపతికి
చ : పాలజలనిధిలోన పలుమారు తేలగాను
నీలవర్ణమెల్లబోయి నిండు తెలుపైనట్టు
మేలిమి కప్పురకాపు మేననిండ నించగాను
పోలికె వేరొక్కటాయె పురుషోత్తమునికీ
చ : వేడుక కాళిందిలోన వేమారు నీదగాను
ఆడనే కమ్మర నలుపైనట్టు
తోడనే తట్టుపునుగు తొప్పదోగ నించగాను
జాడ వేరొక్కటాయె సర్వేశ్వరునికీ
చ : అలమేలుమంగ నుఱమందునే నిలుపగాను
అలరి బంగారు వర్ణమైనట్టు
నలుగడ సొమ్ములతో నానావర్ణములు
నిలిచె శ్రీవేంకటనిలయమూరితికీ
pa : Emani varNimcunukO inka purANamulella
vEmAru kottalAye viSwalOkapatiki
ca : pAlajalanidhilOna palumAru tElagAnu
nIlavarNamellabOyi nimDu telupainaTTu
mElimi kappurakApu mEnanimDa nimcagAnu
pOlike vErokkaTAye purushOttamunikI
ca : vEDuka kALimdilOna vEmAru nIdagAnu
ADanE kammara nalupainaTTu
tODanE taTTupunugu toppadOga nimcagAnu
jADa vErokkaTAye sarvESwarunikI
ca : alamElumanga nu~ramandunE nilupagAnu
alari bamgAru varNamainaTTu
nalugaDa sommulatO nAnAvarNamulu
nilice SrIvEmkaTanilayamUritikI
