ప|| ఏమివలసిన నిచ్చు నెప్పుడైనను | యేమరిక కొలిచిన నీతడే దైవము ||
చ|| ఘనముగా నిందరికి గన్నులిచ్చు గాళ్ళిచ్చు | పనిసేయ జేతులిచ్చు బలియుడై |
తనుగొలువుమని చిత్తములిచ్చు గరుణించి | వొనర లోకానకెల్ల నొక్కడే దైవము ||
చ|| మచ్చిక తనుగొలువ మనసిచ్చు మాటలిచ్చు | కుచ్చితములేని కొడుకుల నిచ్చును |
చొచ్చినచోటే చొచ్చి శుభమిచ్చు సుఖమిచ్చు | నిచ్చలు లోకానకెల్ల నిజమైనదైవము ||
చ|| పంతమాడి కొలిచిన బ్రాణమిచ్చు ప్రాయమిచ్చు | యెంతటిపదవులైన నిట్టె యిచ్చు |
వింతవింతవిభవాల వేంకటేశుడిదె మా- | యంతరంగమున నుండే అరచేతిదైవము ||
pa|| Emivalasina niccu neppuDainanu | yEmarika kolicina nItaDE daivamu ||
ca|| GanamugA niMdariki gannuliccu gALLiccu | panisEya jEtuliccu baliyuDai |
tanugoluvumani cittamuliccu garuNiMci | vonara lOkAnakella nokkaDE daivamu ||
ca|| maccika tanugoluva manasiccu mATaliccu | kuccitamulEni koDukula niccunu |
coccinacOTE cocci SuBamiccu suKamiccu | niccalu lOkAnakella nijamainadaivamu ||
ca|| paMtamADi kolicina brANamiccu prAyamiccu | yeMtaTipadavulaina niTTe yiccu |
viMtaviMtaviBavAla vEMkaTESuDide mA- | yaMtaraMgamuna nuMDE aracEtidaivamu ||
