ప|| కంబమున వెడలి ఘన నరసింహము | కుంభిని హిరణ్యు గూలిచెను ||
చ|| తొడికి దైత్యు తన తొడపైకి దిగిచి | కడుపు చించి రక్తము చల్లి |
జడియక పేగులు జందెంబులుగా | మెడ దగిలించుక మెరసీ వాడె ||
చ|| పెదవులు చింపుచు పెనుగోళ్ళ నదిమి |వుదుటుబునుక కొరి కుమియుచును |
సదరపు గుండెలు చప్పరించుచును | మెదడు గుండముగ మెత్తీవాడే ||
చ|| దేవతల భయము దీర్చి అంకమున | శ్రీవనితను కృపసేయుచును |
పావనపు టహోబల గిరిదైవము | శ్రీవేంకటగిరి చెలగీ వాడే ||
pa|| kaMbamuna veDali Gana narasiMhamu | kuMBini hiraNyu gUlicenu ||
ca|| toDiki daityu tana toDapaiki digici | kaDupu ciMci raktamu calli |
jaDiyaka pEgulu jaMdeMbulugA | meDa dagiliMcuka merasI vADe ||
ca|| pedavulu ciMpucu penugOLLa nadimi |vuduTubunuka kori kumiyucunu |
sadarapu guMDelu cappariMcucunu | medaDu guMDamuga mettIvADE ||
ca|| dEvatala Bayamu dIrci aMkamuna | SrIvanitanu kRupasEyucunu |
pAvanapu TahObala giridaivamu | SrIvEMkaTagiri celagI vADE ||
