ప|| చెక్కిటి చేయిక నేల చింతలేల | అక్కరతో నాపె నీ యలపారిచీ గాక ||
చ|| జవ్వనపు సతి తోడి సరసము | చివ్వన నీ మేనెల్లా జెమరింపించె |
పువ్వుల వసంతాలు పొలయాటలూ | నవ్వి నవ్వి నీ మనసు నాము లెక్కింపించె ||
చ|| చక్కెర బొమ్మవంటి యీ సతి పొందులు | చిక్కించి నీకు వలపు చిమ్మిరేగించె |
నిక్కి నిక్కి యాపె జూచె నీ వేడుకలు | చెక్కుల చెనకులయి సిగ్గు విడిపించె ||
చ|| అలమేలు మంగతో నెయ్యపు రతులు | నిలువెల్ల సింగారమై నీకు నమరె |
నెలవై శ్రీ వేంకటేశ నీ తమకము | అలరిన చుట్టరికమై తగిలించె ||
pa|| cekkiTi cE yika nEla ciMtalEla | akkaratO nApe nI yalapAricI gAka ||
ca|| javvanapu sati tODi sarasamu | civvana nI mEnellA jemariMpiMce |
puvvula vasaMtAlu polayATalU | navvi navvi nI manasu nAmu lekkiMpiMce ||
ca|| cakkera bommavaMTi yI sati poMdulu | cikkiMci nIku valapu cimmirEgiMce |
nikki nikki yApe jUce nI vEDukalu | cekkula cenakulayi siggu viDipiMce ||
ca|| alamElu maMgatO neyyapu ratulu | niluvella siMgAramai nIku namare |
nelavai SrI vEMkaTESa nI tamakamu | alarina cuTTarikamai tagiliMce ||
