ప|| చెలియా నాకు నీవు సేసే వుపకారమిది | వెలలేని గుణముల వేడుకకాడతడు ||
చ|| వచ్చిన దాకా నీవు వద్దనే కాచుకుండు | మెచ్చిన దాకా గొలువు మిగులాను |
ఇచ్చగించి నందాకా నింపుగ సేవలు సేయు | అచ్చపు బొందులు సేయుమాతనికి నాకును ||
చ|| సమ్మతించి నందాక సారె విన్నపాలు సేయు | నెమ్మది బత్తైన దాకా నేర్పులు చూపు |
కొమ్మని యిచ్చిన దాకా గుట్టున జేయెత్తి మొక్కు | యిమ్ముల బొందులు సేయు మిద్దరికి నీవు ||
చ|| నవ్విన దాకా నీవు ననుపు లెల్లా జేయు- | మివ్వలి మోమైన దాకా నింపులు చల్లు |
రవ్వగా శ్రీ వేంకటరాయడిదే నన్ను గూడె | మవ్వపు బొందులు సేయు మాకు నీ వెప్పుడును ||
pa|| celiyA nAku nIvu sEsE vupakAramidi | velalEni guNamula vEDukakADataDu ||
ca|| vaccina dAkA nIvu vaddanE kAcukuMDu | meccina dAkA goluvu migulAnu |
iccagiMci naMdAkA niMpuga sEvalu sEyu | accapu boMdulu sEyumAtaniki nAkunu ||
ca|| sammatiMci naMdAka sAre vinnapAlu sEyu | nemmadi battaina dAkA nErpulu cUpu |
kommani yiccina dAkA guTTuna jEyetti mokku | yimmula boMdulu sEyu middariki nIvu ||
ca|| navvina dAkA nIvu nanupu lellA jEyu- | mivvali mOmaina dAkA niMpulu callu |
ravvagA SrI vEMkaTarAyaDidE nannu gUDe | mavvapu boMdulu sEyu mAku nI veppuDunu ||
