చాటెద నిదియే సత్యము సుండో
చేటు లేదీతని సేవించినను
హరినొల్లనివారసురలు సుండో
సుర లీతనిదాసులు సుండో
పరమాత్ముడితడె ప్రాణము సుండో
మరుగక మఱచిన మఱి లేదికను
చాటె
వేదరక్షుకుడు విష్ణుడు సుండో
సోదించె శుకు డచ్చుగ సుండో
ఆదిబ్రహ్మగన్నాతడు సుండో
యేదెస వెదకిన నితడే ఘనుడు
చాటె
యిహపర మొసగను యీతడె సుండో
వహి నుతించె బార్వతి సుండో
రహస్య మిదివో రహి శ్రీవేంకట
మహిధరంబున మునికై నిలిచె
చాటె ||
chaaTeda nidiyae satyamu suMDO
chaeTu laedeetani saeviMchinanu
harinollanivaarasuralu suMDO
sura leetanidaasulu suMDO
paramaatmuDitaDe praaNamu suMDO
marugaka ma~rachina ma~ri laedikanu ||chaaTe||
vaedarakshukuDu vishNuDu suMDO
sOdiMche Suku Dachchuga suMDO
aadibrahmagannaataDu suMDO
yaedesa vedakina nitaDae ghanuDu ||chaaTe||
yihapara mosaganu yeetaDe suMDO
vahi nutiMche baarvati suMDO
rahasya midivO rahi SreevaeMkaTa
mahidharaMbuna munikai niliche ||chaaTe ||
|
