ప|| చిరంతనుడు శ్రీవరుడు | పరమం భవ్యం పావనం ||
చ|| వేదమయుడు కోవిదు డమలుడు పరు- | డాదిపురుషుడు మహామహుడు |
యేదెస నేమని యేది దలచిన న- | భేద మవాది మఖిలసమ్మతం ||
చ|| నిఖిలనిలయుడు మునివరదు డధికుడు | మఖముఖశుకాభిమతరతుడు |
శిఖిరం శివం సుశీలన మతిశయ | ముఖరం ముఖ్యం మూలమిదం ||
చ|| అనేకప్రదు డనాదినిధనుడు | ఘను డీతిరువేంకటవిభుడు |
దినందినం సముదితరవికోటిభ- | జనం సిద్ధాంజనం ధనం ||
pa|| ciraMtanuDu SrIvaruDu | paramaM BavyaM pAvanaM ||
ca|| vEdamayuDu kOvidu DamaluDu paru- | DAdipuruShuDu mahAmahuDu |
yEdesa nEmani yEdi dalacina na- | BEda mavAdi maKilasammataM ||
ca|| niKilanilayuDu munivaradu DadhikuDu | maKamuKaSukABimataratuDu |
SiKiraM SivaM suSIlana matiSaya | muKaraM muKyaM mUlamidaM ||
ca|| anEkapradu DanAdinidhanuDu | Ganu DItiruvEMkaTaviBuDu |
dinaMdinaM samuditaravikOTiBa- | janaM siddhAMjanaM dhanaM ||
