చూడవమ్మ యశోదమ్మ (రాగం: ) (తాళం : )
ప|| చూడవమ్మ యశోదమ్మ | వాడ వాడల వరదలివిగో ||
చ|| పొంచి పులివాలు పెరుగు | మించు మించు మీగడలు |
వంచి వారలు వట్టిన | కంచపుటుట్ల కాగులివో ||
చ|| పేరీ బేరని నేతులు | చూరల వెన్నల జున్నులును |
ఆరగించి యట నగుబాళ్ళు | పార వేసిన బానలివిగో ||
చ|| తెల్లని కను దీగల సోగల | చల్ల లమ్మేటి జవ్వనుల |
చెల్లినట్లనె శ్రీ వేంకటపతి | కొల్లలాడిన గురుతు లివిగో ||
cUDavamma yaSOdamma (Raagam: ) (Taalam: )
pa|| cUDavamma yaSOdamma | vADa vADala varadalivigO ||
ca|| poMci pulivAlu perugu | miMcu miMcu mIgaDalu |
vaMci vAralu vaTTina | kaMcapuTuTla kAgulivO ||
ca|| pErI bErani nEtulu | cUrala vennala junnulunu |
AragiMci yaTa nagubALLu | pAra vEsina bAnalivigO ||
ca|| tellani kanu dIgala sOgala | calla lammETi javvanula |
cellinaTlane SrI vEMkaTapati | kollalADina gurutu livigO ||
