కొండలో గోవిల గుయ్యగుండె వగిలె నీ
యండకురాగా బ్రాణమంతలో బ్రదికెరా ||
వలచి నిన్ను వెదకి వడి నేరాగాను
పులివలె మగడుండె బోనియ్యక
తలచి నాకంతలోనే తల నొవ్వగాను
చిలుకుబులక లెత్తి సిగ్గుమాలె వలపు ||
ఏమరించి ఇంటివారి నెడసి నే రాగాను
గామైన బిడ్డ యేద్చెగదలనీక
తామసించి యుండలేక తల్లడించగాను
చీమలు మైవాకినట్టు చిమ్మిరేగె వలపు ||
వుండలేక ఇప్పుడు నీ వొద్దికి నే రాగాను
కొండవలె మరదుండె గోపగించుక
బొండుమలె పరపుపై బొరలేటి ఇట్టినన్ను
కొండలరాయడ నిన్ను గూడించె నా వలపు ||
koMDalO gOvila guyyaguMDe vagile nI
yaMDakurAgA brANamaMtalO bradikerA ||
valachi ninnu vedaki vaDi nErAgAnu
pulivale magaDuMDe bOniyyaka
talachi nAkaMtalOnE tala novvagAnu
chilukubulaka letti siggumAle valapu ||
EmariMchi iMTivAri neDasi nE rAgAnu
gAmaina biDDa yEdchegadalanIka
tAmasiMchi yuMDalEka tallaDiMchagAnu
chImalu maivAkinaTTu chimmirEge valapu ||
vuMDalEka ippuDu nI voddiki nE rAgAnu
koMDavale maraduMDe gOpagiMchuka
boMDumale parapupai boralETi iTTinannu
koMDalarAyaDa ninnu gUDiMche nA valapu ||
