ప|| కూడు వండుట గంజికొరకా తనకు | వేడుకలు గల సుఖము వెదుకుటకు గాక ||
చ|| కుప్ప నురుచుట కసవుకొరకా తనువు | గొప్పయవుటిది మదము కొరక |
ఒప్పయిన వేడుకల నొరసి మనసు | నెప్పునకు రాదివియ నేరవలె గాక ||
చ|| కొలుచు దంచుట పొట్టకొరకా తా- | గులజుడై మూఢుండౌ కొరకా |
తలపోసి యిన్నిట దగిలి మీదు | తెలిసి సుఖదుఃఖముల దెలియవలెగాక ||
చ|| కొండ దవ్వుట యెలుకకొరకా తా- | గొండ యెక్కుట దిగుట కొరకా |
కొండల కోనేటిపతి గొలిచి తనకు | నిండి నాపదలెల్ల నీగవలె గాక ||
pa|| kUDu vaMDuTa gaMjikorakA tanaku | vEDukalu gala suKamu vedukuTaku gAka ||
ca|| kuppa nurucuTa kasavukorakA tanuvu | goppayavuTidi madamu koraka |
oppayina vEDukala norasi manasu | neppunaku rAdiviya nEravale gAka ||
ca|| kolucu daMcuTa poTTakorakA tA- | gulajuDai mUDhuMDau korakA |
talapOsi yinniTa dagili mIdu | telisi suKaduHKamula deliyavalegAka ||
ca|| koMDa davvuTa yelukakorakA tA- | goMDa yekkuTa diguTa korakA |
koMDala kOnETipati golici tanaku | niMDi nApadalella nIgavale gAka ||
