కులుకక నడవరో కొమ్మలాలా
జలజల రాలీని జాజులు మాయమ్మకు
ఒయ్యనే మేను గదలీ నొప్పుగా నడవరో
గయ్యాళి శ్రీపాదతాకు కాంతులాలా
పయ్యెద చెఱగు జారీ భారపు గుబ్బల మిద
అయ్యో చెమరించె మా యమ్మకు నెన్నుదురు
చల్లెడి గందవొడియై జారీ నిలువరో
పల్లకి వట్టిన ముద్దు బణతులాల
మొల్లమైన కుందనపు ముత్యాల కుచ్చులదర
గల్లనుచు గంకణాలు గదలీమాయమ్మకు
జమళి ముత్యాల తోడి చమ్మాళిగ లిడరో
రమణికి మణుల నారతు లెత్తరో
అమరించి కౌగిట నలమేలు మంగనిదె
సమకూడె వేంకటేశ్వరుడు మా యమ్మకు
Kulukaka nadavaro kommalaalaa
Jalajala raaleeni jaajulu maayammaku
Oyyanae maenu gadalee noppugaa nadavaro
Gayyaali Sreepaadataaku kaamtulaalaa
Payyeda che~ragu jaaree bhaarapu gubbala mida
Ayyo chemarimche maa yammaku nennuduru
Challedi gamdavodiyai jaaree niluvaro
Pallaki vattina muddu banatulaala
Mollamaina kumdanapu mutyaala kuchchuladara
Gallanuchu gamkanaalu gadaleemaayammaku
Jamali mutyaala todi chammaaliga lidaro
Ramaniki manula naaratu lettaro
Amarimchi kaugita nalamaelu mamganide
Samakoode vaemkataesvarudu maa yammaku
