ప|| పట్టవసముగాని బాలుడా పెను- | బట్టపుబలువుడ బాలుడా ||
చ|| ఇరుగడ బ్రహ్మయు నీశ్వరుడును నిన్ను | సరుస నుతింప జఠరమున |
అరుదుగ నుండి ప్రియంబున వెడలిన- | పరమమూర్తివా బాలుడా ||
చ|| తల్లియు దండ్రియు దనియనిముదమున | వెల్లిగ లోలో వెరవగను |
కల్లనిదురలో గనుమూసుక రే- | పల్లెలో బెరిగిన బాలుడా ||
చ|| యేదెస జూచిన నిందరిభయముల- | సేదలు దేరగ జెలగుచును |
వేదపల్లవపు వేంకటగిరిపై | పాదము మోపిన బాలుడా ||
pa|| paTTavasamugAni bAluDA penu- | baTTapubaluvuDa bAluDA ||
ca|| irugaDa brahmayu nISvaruDunu ninnu | sarusa nutiMpa jaTharamuna |
aruduga nuMDi priyaMbuna veDalina- | paramamUrtivA bAluDA ||
ca|| talliyu daMDriyu daniyanimudamuna | velliga lOlO veravaganu |
kallaniduralO ganumUsuka rE- | pallelO berigina bAluDA ||
ca|| yEdesa jUcina niMdariBayamula- | sEdalu dEraga jelagucunu |
vEdapallavapu vEMkaTagiripai | pAdamu mOpina bAluDA ||
