ప|| తగుతగు నీ దొరతనము లిక | వెగటు లన్నియును వేడుకలాయ ||
చ|| విరసపు తిట్లు వేవేలు దిట్టిన | సరసపు వేళల చవులాయ |
యెరవుల చేత నీ వేమి సేసినా | సరినా కౌగుట చందములాయ ||
చ|| బొమ్మ జంకెనలు పొరి నెన్నైనా | నమ్మితి చితే చవులాయ |
దిమ్మరివై యెందు దిరిగి వచ్చినా | నెమ్మి నన్నేలగా నేరుపులాయ ||
చ|| అంగము లలయగ నంటబెనగినా | సంగడి రతులను చవులాయ |
రంగు శ్రీ వేంకటరమణ నన్నెనసితి- | వెంగిలి మోవుల కిచ్చకమాయ ||
pa|| tagutagu nI doratanamu lika | vegaTu lanniyunu vEDukalAya ||
ca|| virasapu tiTlu vEvElu diTTina | sarasapu vELala cavulAya |
yeravula cEta nI vEmi sEsinA | sarinA kauguTa caMdamulAya ||
ca|| bomma jaMkenalu pori nennainA | nammiti citE cavulAya |
dimmarivai yeMdu dirigi vaccinA | nemmi nannElagA nErupulAya ||
ca|| aMgamu lalayaga naMTabenaginA | saMgaDi ratulanu cavulAya |
raMgu SrI vEMkaTaramaNa nannenasiti- | veMgili mOvula kiccakamAya ||
