ప|| తలగరో లోకులు తడవకురో మమ్ము | కలిగినదిది మాకాపురము ||
చ|| నరహరి కీర్తన నానిన జిహ్వ | వొరుల నుతింపగ నోపదు జిహ్వ |
మురహరు పదముల మొక్కిన శిరము | పరుల వందనకు బరగదు శిరము ||
చ|| శ్రీపతినే పూజించిన కరములు | చోపి యాచనకు జొరవు కరములు |
యేపున హరికడ కేగిన కాళ్ళు | పాపుల యిండ్లకు బారవు కాళ్ళు ||
చ|| శ్రీ వేంకటపతి జింతించు మనసు | దావతి నితరము దలచదు మనసు |
దేవుడతని యాధీనపు తనువు | తేవల నితరాధీనము గాదు ||
pa|| taDavakurO mammu | kaliginadidi mAkApuramu ||
ca|| narahari kIrtana nAnina jihva | vorula nutiMpaga nOpadu jihva |
muraharu padamula mokkina Siramu | parula vaMdanaku baragadu Siramu ||
ca|| SrIpatinE pUjiMcina karamulu | cOpi yAcanaku joravu karamulu |
yEpuna harikaDa kEgina kALLu | pApula yiMDlaku bAravu kALLu ||
ca|| SrI vEMkaTapati jiMtiMcu manasu | dAvati nitaramu dalacadu manasu |
dEvuDatani yAdhInapu tanuvu | tEvala nitarAdhInamu gAdu ||
