ప|| తనిసితి నన్నిటాను తాలిమే మేలిమాయ | యెనసిన సంతసములిక నెన్నడే ||
చ|| ఆసలనే కొంతవద్దు అంగమంటి కొంతవొద్దు | బాసజేసి కొంతవొద్దు భ్రమయించెను |
వాసికి సరసమాడ వయసు వోయీనేమో | యీసు దీర మన్నించేదిక నెన్నడే ||
చ|| మోము చూపి కొంత వొద్దు మొక్కులాడి కొంత వొద్దు | నాముదేర నవ్వి కొంత నాలి సేసెను |
ఆమని గుంటెన మాటలాడగనే తెల్లవారె | యీమేర నన్నుగూడేదిక నెన్నడే ||
చ|| చేయివేసి కొంత వొద్దు సేసవెట్టి కొంతవొద్దు | యీయెడ గాగిట గూడె నీపొద్దు |
పాయపు శ్రీ వేంకటాద్రిపతి కింతా సెలవాయ | యేయెడ జొక్కదుగాక యిక నెన్నడే ||
pa|| tanisiti nanniTAnu tAlimE mElimAya | yenasina saMtasamulika nennaDE ||
ca|| AsalanE koMtavaddu aMgamaMTi koMtavoddu | bAsajEsi koMtavoddu BramayiMcenu |
vAsiki sarasamADa vayasu vOyInEmO | yIsu dIra manniMcEdika nennaDE ||
ca|| mOmu cUpi koMta voddu mokkulADi koMta voddu | nAmudEra navvi koMta nAli sEsenu |
Amani guMTena mATalADaganE tellavAre | yImEra nannugUDEdika nennaDE ||
ca|| cEyivEsi koMta voddu sEsaveTTi koMtavoddu | yIyeDa gAgiTa gUDe nIpoddu |
pAyapu SrI vEMkaTAdripati kiMtA selavAya | yEyeDa jokkadugAka yika nennaDE ||
