ప|| తెలిసిన తెలియుడు తెలియని వారలు | తొలగుడు బ్రహ్మాదులె యెరుగుదురు ||
చ|| వరదు డఖిలదేవతలకు వంద్యుడు | గరుడు డసురులకు కంటకుడు |
పరమాత్ముడంబుజ భవ శివాదులకు | పరుల కెల్ల మువ్వురిలో నొకడు ||
చ|| దేవుడు సనకాది మునులకును పర- | దైవమఖిల వేదములకును |
కైవల్యమొసగు ఘననిధికి | మహానిధి జడులకు యాదవకులుడు ||
చ|| ఆద్యుడు అచలుడు మహాభూతమితడు | అభేద్యుడసాధ్యుడు భీకరుడు |
సద్యఃఫలదుడు సకల మునులకును | వేద్యుడితడెపో వేంకటవిభుడు ||
pa|| telisina teliyuDu teliyani vAralu | tolaguDu brahmAdule yeruguduru ||
ca|| varadu DaKiladEvatalaku vaMdyuDu | garuDu Dasurulaku kaMTakuDu |
paramAtmuDaMbuja Bava SivAdulaku | parula kella muvvurilO nokaDu ||
ca|| dEvuDu sanakAdi munulakunu para- | daivamaKila vEdamulakunu |
kaivalyamosagu Gananidhiki | mahAnidhi jaDulaku yAdavakuluDu ||
ca|| AdyuDu acaluDu mahABUtamitaDu | aBEdyuDasAdhyuDu BIkaruDu |
sadyaHPaladuDu sakala munulakunu | vEdyuDitaDepO vEMkaTaviBuDu ||
