ప|| మాయపుదనుజుల మదవైరి కపి- | రాయడు వీడివో రామునిబంటు ||
చ|| పెట్టినజంగయు పెంపుమిగుల మొల | గట్టినకాసెయు గర్వమున |
నిట్టనిలిచి పూనినచేత నడిమి- | దిట్ట వీడువో దేవునిబంటు ||
చ|| నవ్వుచు లంకానగరపుదనుజుల- | కొవ్వణచిన కపికుంజరుడు |
మువ్వురువేల్పుల మొదలిభూతియగు- | రవ్వగు సీతారమణునిబంటు ||
చ|| పంకజసంభవుపట్టముగట్టగను | వుంకించిన తనవొడయనిచే |
పొంకపు కలశాపుర హనుమంతుడు | వేంకటరమణునివేడుకబంటు ||
pa|| mAyapudanujula madavairi kapi- | rAyaDu vIDivO rAmunibaMTu ||
ca|| peTTinajaMgayu peMpumigula mola | gaTTinakAseyu garvamuna |
niTTanilici pUninacEta naDimi- | diTTa vIDuvO dEvunibaMTu ||
ca|| navvucu laMkAnagarapudanujula- | kovvaNacina kapikuMjaruDu |
muvvuruvElpula modaliBUtiyagu- | ravvagu sItAramaNunibaMTu ||
ca|| paMkajasaMBavupaTTamugaTTaganu | vuMkiMcina tanavoDayanicE |
poMkapu kalaSApura hanumaMtuDu | vEMkaTaramaNunivEDukabaMTu ||
