ప|| పారకుమీ వోమనసా పంతము విడువకుమీ మనసా |
పారిన నీవే బడగయ్యెదవు చేరువ నాడే చెప్పనె మనసా ||
చ|| చింతించకుమీ శివునివైరిచే చిక్కువడకుమీ వోమనసా |
కంతువారకము వయసు బ్రాయములు కావటి కుండలు వోమనసా |
యెంతోమేలూ గీడే కాలము ఎప్పుడు నుండదు వోమనసా |
సంతరించుకో వానిని మనసున సంతోషముగా వోమనసా ||
చ|| ఎన్నికలే తలపోయకుమీ యేమరకుండుమీ వోమనసా |
కన్న విన్న వారిలో నెప్పుడూ కాకుపడకుమీ వోమనసా |
పున్నమమాసలు పుడమిలో బదుకులు పోయివచ్చేవి వోమనసా |
మిన్నో నేలనిమన్నదినములో మీదుచూడకుమి వోమనసా ||
చ|| కన్నులసంగాతము సేయకుమీ కళవళించకుమి వోమనసా |
వన్నెలమాటలు చెవులబెట్టక వాసివిడువకుమి వోమనసా |
మున్నిటసురలు బ్రహ్మాదులకైనను ముక్తిసాధనము వోమనసా |
వెన్నుని వేంకటగిరిపతి దలచుము వేసారకుమీ వోమనసా ||
pa|| pArakumI vOmanasA paMtamu viDuvakumI manasA |
pArina nIvE baDagayyedavu cEruva nADE ceppane manasA ||
ca|| ciMtiMcakumI SivunivairicE cikkuvaDakumI vOmanasA |
kaMtuvArakamu vayasu brAyamulu kAvaTi kuMDalu vOmanasA |
yeMtOmElU gIDE kAlamu eppuDu nuMDadu vOmanasA |
saMtariMcukO vAnini manasuna saMtOShamugA vOmanasA ||
ca|| ennikalE talapOyakumI yEmarakuMDumI vOmanasA |
kanna vinna vArilO neppuDU kAkupaDakumI vOmanasA |
punnamamAsalu puDamilO badukulu pOyivaccEvi vOmanasA |
minnO nElanimannadinamulO mIducUDakumi vOmanasA ||
ca|| kannulasaMgAtamu sEyakumI kaLavaLiMcakumi vOmanasA |
vannelamATalu cevulabeTTaka vAsiviDuvakumi vOmanasA |
munniTasuralu brahmAdulakainanu muktisAdhanamu vOmanasA |
vennuni vEMkaTagiripati dalacumu vEsArakumI vOmanasA ||
