ప|| పాయపుమదములబంధమా మము | జీయని యిక గృపసేయగదో ||
చ|| ధనధాన్యములై తనులంపటమై | పనిగొంటివి నను బంధమా |
దినదినంబు నునుతీదీపుల బెను- | గనివైతివి యిక గావగదో ||
చ|| సతులై సుతులై చలమై కులమై | పతివైతివి వోబంధమా |
రతి బెరరేపుల రంతులయేపుల | గతిమాలితివిక గావగదో ||
చ|| పంటై పాడై బలుసంపదలై | బంటుగ నేలితి బంధమా |
కంటిమిదివో వేంకటగిరిపై మా- | వెంటరాక తెగి విడువగదో ||
pa|| pAyapumadamulabaMdhamA mamu | jIyani yika gRupasEyagadO ||
ca|| dhanadhAnyamulai tanulaMpaTamai | panigoMTivi nanu baMdhamA |
dinadinaMbu nunutIdIpula benu- | ganivaitivi yika gAvagadO ||
ca|| satulai sutulai calamai kulamai | pativaitivi vObaMdhamA |
rati berarEpula raMtulayEpula | gatimAlitivika gAvagadO ||
ca|| paMTai pADai balusaMpadalai | baMTuga nEliti baMdhamA |
kaMTimidivO vEMkaTagiripai mA- | veMTarAka tegi viDuvagadO ||
