ప్రతిలేని పూజదల పంగకోటి మణుగులై
అతివ పరవశము బ్రహ్మానందమాయె
మానినీమణిమనసు మంచియాసనమాయె
ఆనందబాష్పజల మర్ఘ్యాదులాయె
మీనాక్షి కనుదోయి మించుదీపములాయె
ఆనన సుధారసంబభిషేకమాయె
మగువచిరునవ్వులే మంచి క్రొవ్విరులాయె
తగుమేనితావి చందనమలదుటాయె
నిగనిగనీతనుకాంతి నీరాజనంబాయె
జగడంపుటలుకలుపచారంబులాయె
ననుపైన పొందులె నైవేద్య తతులాయె
తనివోని వేడుకలు తాంబూలమాయె
వనిత శ్రీ వేంకటేశ్వరుని కౌగిట జేయు
వినయ వివరంబు లరవిరిమ్రొక్కులాయె
Pratilaeni poojadala pamgakoti manugulai
Ativa paravasamu brahmaanamdamaaye
Maanineemanimanasu mamchiyaasanamaaye
Aanamdabaashpajala marghyaadulaaye
Meenaakshi kanudoyi mimchudeepamulaaye
Aanana sudhaarasambabhishaekamaaye
Maguvachirunavvulae mamchi krovvirulaaye
Tagumaenitaavi chamdanamaladutaaye
Niganiganeetanukaamti neeraajanambaaye
Jagadamputalukalupachaarambulaaye
Nanupaina pomdule naivaedya tatulaaye
Tanivoni vaedukalu taamboolamaaye
Vanita Sree vaemkataesvaruni kaugita jaeyu
Vinaya vivarambu laravirimrokkulaaye
