షోడసకళానిధికి షోడశోపచారములు
జాడతోడ నిచ్చలును సమర్పయామి
అలరు విశ్వాత్మకున కావాహన మిదె సర్వ
నిలయున కాసనము నెమ్మి నిదే
అలగంగా జనకున కర్ఘ్యపాద్యాచమనాలు
జలధి శాయికిని మజ్జనమిదే
వరపీతాంబరునకు వస్త్రాలంకారమిదె
సరి శ్రీమంతునకు భూషణము లివే
ధరణీధరునకు గంధపుష్ప ధూపములు
తిర మిదె కోటిసూర్యతేజునకు దీపము
అమృతమథనునకు నదివో నైవేద్యము
గమి(రవి)జంద్రునేత్రునకు కప్పురవిడెము
అమరిన శ్రీవేంకటాద్రి మీది దేవునికి
తమితో ప్రదక్షిణాలు దండములు నివిగో
Shodasakalaanidhiki shodasopachaaramulu
Jaadatoda nichchalunu samarpayaami
Alaru visvaatmakuna kaavaahana mide sarva
Nilayuna kaasanamu nemmi nidae
Alagamgaa janakuna karghyapaadyaachamanaalu
Jaladhi Saayikini majjanamidae
Varapeetaambarunaku vastraalamkaaramide
Sari sreemamtunaku bhooshanamu livae
Dharaneedharunaku gamdhapushpa dhoopamulu
Tira mide kotisooryataejunaku deepamu
Amrtamathanunaku nadivo naivaedyamu
Gami(ravi)jamdrunaetrunaku kappuravidemu
Amarina sreevaemkataadri meedi daevuniki
Tamito pradakshinaalu damdamulu nivigo
Sung by:Balakrishna Prasad
