వేవేలు బంధములు విడువ ముడువబట్టె
దైవమా నిన్నెట్టు తగిలేమయ్యా
పారీ ముందటిభవపాశములు
తీరీ దొల్లిటితిత్తిలో పుణ్యము
వూరీ గోరిక లొకటొకటే
యేరీతి సుజ్ఞాన మెరిగేనయ్యా
పట్టీ నాకొంగు పంచేంద్రియములు
తొట్టీ బాపము తోడుతనే
పెట్టీ భ్రమల బెరిగి నీమాయలు
అట్టే మోక్ష మెన్నడందేమయ్యా
విందై యిహము వెనకకు దీసీ
అందీ వైరాగ్య మరచేతికి
కందువ శ్రీవేంకటపతి యీ రెండు
బొందించితి వేది భోగింతునయ్యా
Vaevaelu bamdhamulu viduva muduvabatte
Daivamaa ninnettu tagilaemayyaa
Paaree mumdatibhavapaasamulu
Teeree dollititittilo punyamu
Vooree gorika lokatokatae
Yaereeti suj~naana merigaenayyaa
Pattee naakomgu pamchaemdriyamulu
Tottee baapamu todutanae
Pettee bhramala berigi neemaayalu
Attae moksha mennadamdaemayyaa
Vimdai yihamu venakaku deesee
Amdee vairaagya marachaetiki
Kamduva sreevaemkatapati yee remdu
Bomdimchiti vaedi bhogimtunayyaa
