ప|| వననిధి గురిసినవాన లివి మతి- | పనిలేని పనులభారములు ||
చ|| అడవులవెన్నెల లారిడిబదుకులు | తడతాకులపరితాపములు |
వొడలొసగినహరి నొల్లక యితరుల | బడిబడి దిరిగిన బంధములు ||
చ|| కొండలనునుపులు కొనకొనమమతులు | అండలకేగిన నదవదలు |
పండినపంటలు పరమాత్ము విడిచి | బండయితిరిగిన బడలికలు ||
చ|| బచ్చనరూపులు పచ్చలకొలపులు | నిచ్చలనిచ్చల నెయ్యములు |
రచ్చల వేంకటరమణుని గొలువక | చచ్చియు జావని జన్మములు ||
pa|| vananidhi gurisinavAna livi mati- | panilEni panulaBAramulu ||
ca|| aDavulavennela lAriDibadukulu | taDatAkulaparitApamulu |
voDalosaginahari nollaka yitarula | baDibaDi dirigina baMdhamulu ||
ca|| koMDalanunupulu konakonamamatulu | aMDalakEgina nadavadalu |
paMDinapaMTalu paramAtmu viDici | baMDayitirigina baDalikalu ||
ca|| baccanarUpulu paccalakolapulu | niccalaniccala neyyamulu |
raccala vEMkaTaramaNuni goluvaka | cacciyu jAvani janmamulu ||
